Bilindiyi kimi, «Difai» növbəti mövsüm I Divizionda mübarizə aparmaq iddiasındadır.
Region Liqasının debütantı bu niyyətlə AFFA və Peşəkar Futbol Liqasına müraciət ünvanlayıb.
II Qarabağ Müharibəsinin döyüşçülərinin və qazilərinin doğma klubu birinci dəstədə yarışarsa, ev oyunlarını Bakıdan kənarda keçirəcəyi dəqiqdir.
«Qarabağ fatehləri»nin iki variantı var idi - ya Göygöl, ya da Şirvan. Vətən savaşının qazisi, ehtiyatda olan polkovnik Asəf Məlikovun yönətimindəki klub artıq öz seçimini edib.
Aiddiyatlı qurumlar ermənilərə qarşı vuruşmuş qəhrəmanların ərsəyə gətirdiyi komandanın I Divizionda iştirakına izn verərsə, Şirvanın böyük futbol həyatı yenidən canlanacaq.
«Difai» rəqiblərini yerli Olimpiya İdman Kompleksinin stadionunda qəbul eləyəcək. Artıq tərəflər arasında icarə müqaviləsi imzalanıb.
SPORTİNFO.AZ
.jpg)
