Qış fasiləsində "Qəbələ"dən ayrılan İbrahima Niassenin yeni klubu müəyyənləşib.
Sportinfo.az xəbər verir ki, seneqallı yarımmüdafiəçi "Lamiya"ya keçib.
31 yaşlı futbolçu Yunanıstan klubu ilə 2 illik müqavilə imzalayıb. Niasse 2019-cu ilin oktyabrında "Qəbələ"yə dönmüşdü.
"Everton"da oynayan məşhur futbolçu Omar Niassenin böyük qardaşı olan İbrahima 2012-2013 mövsümündə "İnter" (indiki "Keşlə"), 2013/14 mövsümündə isə "Qəbələ"də oynayıb.
Afrikalı ilə "Zirə" və "Sabah" yaxından maraqlanırdı. Ona 10 min dollar civarında maaş təklif olunmuşdu. Seneqallı legioner 15 min dollar tələb edincə, danışıqlar alınmamışdı.
