"Sent-Mirren"in qapıçısı Vatslav Qladki karyerasını Azərbaycanda davam etdirə bilər.
Sportinfo.az Şotlandiya mətbuatına istinadən xəbər verir ki, adı açıqlanmayan əcnəbi klubu çexiyalı qolkiperə görə 200 min funt-sterlinq (təqribən 450 min manat) təklif edib. Yerli KİV həmin komandanın "Qarabağ" olduğunu iddia edir. Ancaq "Sent-Mirren" rəhbərliyinin 29 yaşlı çərçivə qoruyucusunu bu məbləğə satmaq fikrində olmadığı bildirilib. Onlar əsas oyunçunu ən pis halda yaya kimi komandada saxlamaq istəyir.
Qış fasiləsində Asmir Beqoviçlə yollarını ayıracaq "Qarabağ"ın bosniyalı qolkiperin boşluğunu məhz Qladki ilə dolduracağı gözlənilir.
