"Qarabağ"ın müdafiəçisi Bəhlul Mustafazadə Sportinfo.az-a açıqlama verib.
O, Avropa Liqasının qrup mərhələsinin 5-ci turunun "Molde" ilə səfər matçında (2:2) vurduğu vacib qoldan danışıb:
"Bəli, Norveçdə vurduğun qolu karyeranın ən vacib qolu hesab edə bilərik. Onsuz da çox qol vurmuram (gülür).
Amma istənilən halda, "Molde"yə vurduğum qolu karyeramın ən vacib qolu hesab etmək olar".
Təcrübəli futbolçu görüşdən sonra baş məşqçi Qurban Qurbanovla arasında olan söhbəti də bizə danışıb:
"Təbrik etdi. Sadəcə, epizodla bağlı müzakirəmiz oldu. Amma xüsusi bir şey olmadı. Müzakirəmiz də o idi ki, oyun dayandı və rəqibin oyunçuları etiraz edirdi.
Qurban müəllim də soruşurdu ki, nəyə etiraz edirlər, ofsayda yoxsa top ələ dəymişdi? Mən də dedim ki ,yəqin ofsayda etiraz edirdilər, çünki əlimə dəyməmişdi. Belə".
XANOĞLAN
