"Haiti millisinin düşərgəsindən çox gec qayıtdım".
Sportinfo.az xəbər verir ki, bu sözləri "Qarabağ"ın sabiq legioneri Donald Gerye işlədib.
2017-2019-cu illərdə “Qarabağ”ın formasını geyinən haitili müdafiəçi 2019-2020 mövsümünü “Neftçi”də, 2020-2021 mövsümünün isə ilk yarısını yenidən Ağdam klubunda keçirib.
O, buradan ayrılmasının səbəbi haqda danışıb:
"Təyyarədə yuxuya getdim. Sonra geri qayıtdıqda başqa fəsadlar oldu, gecikmə, koronavirus testinin müddəti bitdi.
"Qarabağ"ın bazasına gec gəldim. Qurban Qurbanov hirsləndi, haqqı var idi.
Mən maliyyə cəzası aldım və ehtiyata göndərilməli idim. Dedim ki, ya qalacam, ya da gedəcəm. Və mən Kiprdə oldum".
