Avropa Liqasında mübarizə aparan "Qarabağ"ın futbolçularını qarşıda böyük mükafat gözləyir.
G qrupunda çıxış edən Azərbaycan çempionu pley-off-a vəsiqə qazanarsa, hər oyunçusuna 50-55 min manat ödəyəcək.
Ağdam klubu iki turdan sonra 3 xal toplayıb. İlk həftədə "Frayburq"a Almaniyada 1:2 hesabıyla uduzan "köhlən atlar" Bakıda "Nant"a qalib gəlib - 3:0.
Qurban Qurbanovun komandası oktyabrın 6-da Yunanıstanda "Olimpiakos"un qonağı olacaq.
"Qarabağ" rəhbərliyi bu mövsüm artıq bir dəfə iri məbləğdə ödəniş edib.
Belə ki, Çempionlar Liqasında 3 mərhələ adlayan və Avroliqanın qrupp mərhələsinə birbaşa vəsiqə qazanan komandanın üzvlərinin hər birinə 45 min manat mükafat verilib.
SPORTİNFO.AZ