Xayme Romero və Patrik Andrade ilə yoları ayrılan
"Qarabağ" daha bir legionerdən canını qurtarmaq istəyir. Azərbaycan çempionu bu məqsədlə Qaspar Panaderonu transferə çıxarıb.
Klubdan Sportinfo.az-a verilən məlumata görə, ispaniyalı yarımmüdafiəçiyə Avropanın bir neçə ölkəsindən təklif gəlib.
Sadəcə, potensial müştərilər onu birdəfəlik almaq deyil, icarəyə götürmək niyyətindədir.
Baş məşqçi Qurban Qurbanovun qərarına əsasən, təlim-məşq toplanışı üçün Avstriyaya aparılmayan 24 yaşlı prineyli hazırda Bakıda fərdi məşq edir.
Ötən mövsümün ikinci yarısını icarə əsasında AEK-də (Larnaka) keçirən Qasparın "Qarabağ"la 2024-cü ilin yayınadək müqaviləsi var.
Ağdam təmsilçisinə 2021-ci ilin yayında transfer olunmuş yarımmüdafiəçi bu komanda ilə ötən mövsüm cəmi 4 oyunda meydana çıxıb.
"Qarabağ" ispanı sata bilməsə, icarə variantları arasında ən uyğununu seçəcək. Yox, əgər bu da olmasa, Qaspara müqaviləni qarşılıqlı razılaşma əsasında pozmaq təklif ediləcək.
_(1).jpg)
