.jpg)
"Qarabağ"ın sabiq legioneri Samuel Armenteros çətin vəziyyətə düşüb.
Sportinfo.az xəbər verir ki, bu barədə isveçli hücumçunun agenti Fredrik Risp "fotbollskanalen.se" saytına açıqlamasında deyib.
O bildirib ki, 32 yaşlı hücumçu Birləşmiş Ərəb Əmirlikləri təmsilçisi "Əl-Fucayra"dan ayrıldıqdan sonra 8 aydır klubsuz qalıb:
"Komandası yüksək liqanı tərk etdikdən sonra çətin vəziyyətdə qaldı və əmirlikdə qalmaq ümidi ilə bir çox təklifi rədd etdi. Amma bu baş vermədi".
Rispin sözlərinə görə, təcrübəli forvard yeni klub tapa bilməsə, İsveç komandalarından birinə keçəcək.
Samuel Armenteros 2015/2016 mövsümündə "Qarabağ"da çıxış edib.
.jpg)
