.jpg)
“Qarabağ” daha bir transferini rəsmiləşdirib.
Sportinfo.az-ın klubun rəsmi saytına istinadən məlumatına görə, Ağdam təmsilçisi Bəhlul Mustafazadəni heyətinə cəlb edib.
“Sabah”dan ayrılan və Birləşmiş Ərəb Əmirlikləri klubu “Əl-Əyn”ə keçidi baş tutmayan millimizin üzvü yeni komandasına azad agent kimi keçib.
O, “Qarabağ”la 3 illik müqavilə imzalayıb. 24 yaşlı müdafiəçi ağdamlılarda 13 nömrəli formanı geyinəcək.
“Qarabağ” yay fasiləsində buna qədər Kadi Borqes və Ramil Şeydayevi transfer edib.
