Azərbaycan çempionatının iştirakçıları, nəhayət ki, sevindirilib.
AFFA 2 aydır gözü yolda qalan klubların pulunu köçürüb.
Bura Premyer Liqa, I Liqa, II Liqa və Region Liqasının təmsilçiləri daxildir. Onlar artıq dekabr ayının yardım paketini alıblar.
Ölkə çempionatına qatılanlara 2021-ci ildən etibarən maliyyə dəstəyi verilir. Ödənilən məbləğ statusa uyğun bölüşdürülür.
Məsələn, Premyer Liqada mübarizə aparanların illik ianəsi 2,5 milyon manat təşkil edir. I Liqada bu rəqəm 300 min manatdır.
II Liqada qüvvəsini sınayanların aldığı məbləğ 58 min manatdır. Region Liqasında yarışanlar isə hər ay 1200 manat alır.
SPORTİNFO.AZ
