"Neftçi" Misli Premyer Liqasının XXI turunda "Qarabağ"la ev oyununun təxirə salınması təklifini qəbul etməyib.
Sportinfo.az xəbər verir ki, bu barədə oxu.az-a "Qarabağ"ın mətbuat xidmətindən məlumat verilib.
"Komandamız tərəfindən Çempionlar Liqasının pley-off mərhələsində "Nyukasl Yunayted"lə keçiriləcək oyun ərəfəsində, Azərbaycan Premyer Liqasının XXI turu çərçivəsində fevralın 21-də keçirilməsi nəzərdə tutulan "Neftçi" - "Qarabağ" qarşılaşmasının təxirə salınması ilə bağlı Peşəkar Futbol Liqasına rəsmi müraciət olunmuşdu.
Lakin "Neftçi"nin etirazı nəzərə alınaraq, sözügedən müraciət qəbul edilməyib", - deyə məlumatda qeyd olunub.
Beləliklə, 21 fevral saat 19:00-da "Palms Sports Arena"da matça çıxacaq "Qarabağ" klubu bir gün sonra "Nyukasl Yunayted"lə oyun üçün İngiltərə səfərinə yollanacaq.

