Premyer Liqanın 13-cü turu bəzi məşqçi və futbolçular üçün tamaşa meydanı olacaq.
Həftəsonu baş tutacaq oyunlarda dörd futbolçu iştirak edə bilməyəcək.
Bunlar “Kəpəz”in qapıçısı Məmməd Hüseynov, “Sumqayıt”ın müdafiəçisi Rayan Senhadji, “Zirə”nin kapitanı Qismət Alıyev və “Karvan"ın yarımmüdafiəçisi Vadim Abdullayevdir.
Adları çəkilənlərdən ilk iki nəfər qırmızı vərəqəyə görə cəzalı duruma düşübsə, Alıyevlə Abdullayev sarı vərəqə limitini doldurub.
Noyabrın 28-də “Kəpəz” – “Zirə”, “Turan Tovuz” – “Neftçi”, ertəsi “İmişli” – “Sabah”, “Qarabağ” – “Karvan-Yevlax”, noyabrın 30-da “Şamaxı” – “Sumqayıt”, “Qəbələ” – “Araz-Naxçıvan” matçları baş tutacaq.
HƏBİB / SPORTİNFO.AZ
