"Olimpiakos"un əsas qapıçısı Tomaş Vatslik "Qarabağ"a qarşı Avropa Liqasının qrup mərhələsinin hər iki oyununu buraxacaq.
Sportinfo.az xəbər verir ki, 33 yaşlı qolkiperin 2-3 ay yaşıl meydanlardan kənarda qalacağı gözlənilir.
Vatslik Çexiya yığmasının heyətində Millətlər Liqasının son turunda İsveçrəyə 1:2 hesabı ilə uduzduqları səfər matçında sağ çiynindən xəsarət alıb.
"Qarabağ" "Olimpiakos"a qarşı ilk oyununu oktyabrın 6-da səfərdə, növbəti görüşünü isə bundan bir həftə sonra Bakıda keçirəcək.