Azərbaycanlı futbolçunun legioner həyatı vaxtından tez başa çatdı.
Turan Manafov “Olimpiakos Volos”la yollarını ayırıb.
Lakin bu, müqaviləni ikitərəfli razılıq əsasında yox, birtərəfli qaydada pozmaqla baş verib.
Belə ki, 2 aydır Yunanıstan klubundan maaş ala bilməyən 23 yaşlı müdafiəçi üzləşdiyi vəziyyətlə barışmadığından, oranı tərk etmək qərarını verib.
Bununla bağlı FİFA-ya şikayət edən Manafov Azərbaycana qayıdıb.
Müqavilə ilə “Səbail”ə məxsus olan futbolçu ilk mərhələdə zədəsinin müalicəsi ilə məşğul olacaq. Daha sonra “Səbail”lə məşq edəcəyi gözlənilir.
Vaxtilə U-21 millimizin şərəfini qorumuş Turan Manafov yanvarın 20-də müqavilə bağladığı klubda olduğu son 2 ayda cəmi 4 rəsmi oyunda meydana çıxıb.
Onun “Səbail”lə müqaviləsinin müddəti 2023-cü ilin yayına qədərdir.
HƏBİB / SPORTİNFO.AZ
