.jpg)
“Harada oynamışamsa, orada mənə yaxşı olub. Əgər nəyinsə qalibi olmuşuqsa, təəssüratlar daha yaxşı olub”.
Sportinfo.az xəbər verir ki, bunu “Bakı”nın sabiq futbolçusu Lukas Mario Horvat deyib.
Horvat 2012-15-ci illərdə oynadığı “Bakı” ilə Azərbaycan kubokunun qalibi olub. Hazırda Sloveniyanın “Alüminium” klubunda çıxış edən argentinalı iki əfsanəvi həmyerlisi Dieqo Maradona və Lionel Messini müqayisə edib:
“Argentinada tanınmayan, görünməyən, amma müstəsna bacarığa malik əla oyunçular çoxdur. Maradona və Messinin hər ikisinin tərəfdarıyam. Dieqo hələ də böyük əhəmiyyət kəsb edir. Lionel isə 15 ilə yaxındır ən yüksək zirvədədir”.
