«Neftçi» Afrikada istedad axtarışındadır.
Klubun nümayəndəsi bu məqsədlə həmin qitəyə yollanıb.
Qanaya səfər edən «ağ-qaralar»ın təmsilçisi bir neçə oyunu canlı izləyib.
Bakılı funksioner orada kimlərisə bəyənibmi? «Bəli» deyə bilərik. Dörd-beş yerli gənc artıq «Neftçi»nin birbaşa maraq dairəsindədir.
Onlar iyunda ölkəmizə dəvət olunacaq. Baxışdan keçənlər gənclərdən (U-19) və əvəzedicilərdən ibarət komandaya cəlb ediləcək.
Fevralda “Neftçi”nin əvəzedici komandasına 3 əcnəbi cəlb olunub.
Qvineya əsilli belçikalı Mamadi Diavara, həmçinin nigeriyalılar - Fridom Danjuma İstifanus və Opeyemi Ezekel Oluvafemi ilə bu mövsümün sonunadək müqavilə bağlanıb.
Bununla belə, klubun istəyinə uyğun olaraq, hər üç afrikalı ilə anlaşma daha 2 il müddətinə artırıla bilər.
19 yaşlı Diavaranın sonuncu klubu “Şalke” U-19 (Almaniya) olub. 18 yaşlı İstifanus bunadək Nigeriyada “Broad City”, 19 yaşlı Oluvafemi isə “36 Lion”da çıxış edib.
Onlar əsas komanda üçün nəzərdə tutulub. Ora gedən yol isə “dubl“dan keçir.
SPORTİNFO.AZ
