"Neftçi"yə qol vuran hücumçu: "Hər zaman belə bədbəxt hallarla üzləşmişik"

5 Avqust 2022 10:53 Neftçi 960
"Neftçi"yə qol vuran hücumçu: "Hər zaman belə bədbəxt hallarla üzləşmişik"

"İlk yarıda pis çıxış etdik, futbol oynamağa cəhd etmədik".

Sportinfo.az xəbər verir ki, bunu "Rapid"in (Vyana) futbolçusu Qvido Burqştaller Bakıda "Neftçi"yə 1:2 hesabı ilə uduzduqları Konfrans Liqasının III təsnifat mərhələsinin ilk oyunundan sonra deyib.

Uzatma dəqiqələrində komandasının təsəlli qoluna imza atan 33 yaşlı hücumçunun fikrincə, Vyanaya 0:2 hesablı məğlubiyyətlə qayıtmaq çox üzücü olardı:

"Fasilədən sonra "Neftçi" səhvimizdən yararlanaraq, ikinci topu vurdu. Görüşün sonlarındakı təsəlli qolu bizim üçün çox vacib idi.

Çətin olsa da, hər şey cavab görüşü üçün hələ də açıq qalır. Evə, iki cavabsız top buraxaraq dönmək çox məyusedici olardı.

Hər zaman belə bədbəxt hallarla üzləşmişik. Sevinirik ki, uzatma dəqiqələrində qol vurduq. Bu, çox vacib idi".

Burqştaller avqustun 11-də keçiriləcək cavab oyununda yaxşı oyun sərgiləmələrinin vacibliyini dilə gətirib: "Bilirik ki, bunu edə bilərik".

Digər Xəbərlər
Xəbər Lenti
5 İyul 16:00 10-cu AYRILIQ XƏBƏRİ
5 İyul 08:20 Quliyev Serbiya yolunda