Ötən ayın sonunda "Neftçi"dən ayrılan Tiaqo Bezerra özünə yeni klub tapıb.
Sportinfo.az xəbər verir ki, braziliyalı hücumçu karyerasını Səudiyyə Ərəbistanında davam etdirəcək.
Cənubi amerikalı forvard "Əl-Aruba"ya keçib. 35 yaşlı legioner Əl-Cauf təmsilçisi ilə 1 illik müqavilə bağlayıb.
"Neftçi"yə 2021-ci ilin sentyabrında transfer olunmuş Tiaqo Bezerra 25 oyunda 10 qol vurub və komandanın ən məhsuldar futbolçusu olub.
Bakılılar geridə qalan sezon üçün ona 350 min dollar ödəyib.