"Buraya böyük nikbinliklə gəlmişəm.
Komandada işlərimin daha yaxşı olmasını istəyirəm".
Sportinfo.az xəbər verir ki, bu fikirləri "Neftçi"nin braziliyalı legioner Roman Maçado ölkəsinin "Lance" nəşrinə açıqlamasında deyib.
30 yaşlı forvard paytaxt təmsilçisində xoşbəxt olduğunu bildirib:
"Çempion komandaya gəldiyimin fərqindəyəm. Hələlik yaxşı dönəmdə deyilik. Lakin qollar vurduğum üçün xoşbəxtəm.
Turnir cədvəlində istədiyimiz yerdə olmasaq da, yenidən liderliyə yüksəlmək niyyətindəyik. Komandanın irəliləməsi və çempionluq uğrunda mübarizə aparması üçün daha çox qol vurmaq istəyirəm".
"Neftçi" sentyabrın 1-də Roman Maçado ilə mövsümün sonadək müqavilə imzalayıb. O, indiyədək "ağ-qaralar"da 3 qola imza atıb.
