“Neftçi”də xoşbəxt deyil - Belçikanın bir neçə klubunun maraq dairəsindədir

16 İyun 11:00 Neftçi 875
“Neftçi”də xoşbəxt deyil - Belçikanın bir neçə klubunun maraq dairəsindədir

“Neftçi” daha bir legioneri ilə yollarını ayıra bilər.

Sportinfo.az-ın Belçika mətbuatına istinadən məlumatına görə, müdafiəçi Tallison Diazın bu ölkəyə qayıtmaq variantı yaranıb.

Bildirilib ki, “Sent-Truyden”in sabiq sol cinah oyunçusu Belçikanın bir neçə klubunun maraq dairəsindədir.

Yeganə problem kimi 30 yaşlı braziliyalının “Neftçi” ilə müqavilə müddətinin gələn ilin yayına qədər olmasıdır. Futbolçu “ağ-qaralar”da müntəzəm oynamadığı üçün komandadakı durumundan da məmnun deyil.

O, ötən mövsüm Premyer Liqada 18 matçda meydana çıxıb. Tallison Diaz “Neftçi”yə ötən ilin yayında “Quarani”dən keçib.

Digər Xəbərlər
Xəbər Lenti
23 İyul 13:00 Həminki "Qarabağ"
22 İyul 23:10 "Buna imkan vermədilər"