"Neftçi” təlim-məşq toplanışının ikinci mərhələsini gündə iki məşq olmaqla, davam etdirir.
Sportinfo.az xəbər verir ki, komanda üzvləri bazada keçirilən səhər məşqində əsasən fiziki, "Bakcell Arena”da baş tutan axşam məşqində toplu çalışmalar yerinə yetirilib.
Yanvarın 10-da toplanış çərçivəsində "Kəpəz”lə qarşılaşan "Neftçi” ikinci sınaq matçını "Keşlə”yə qarşı keçirəcək. Oyun bu gün saat 17:00-da "Bakcell Arena”da baş tutacaq.