Dünən Gəncədə “Kəpəz” – “Zirə” görüşünü izləyən Azərbaycan millisinin baş məşqçisi Canni de Byazi bu gün Tovuza təşrif buyurub.
Matçın start fitindən 40 dəqiqə əvvəl özünü Tovuza çatdıran italyan çalışdırıcı kefi kök görünüb.
O, xidməti avtomobilindən düşərkən bəndənizin şəklini çəkdiyini görüncə, “Tovuzlu jurnalistsiz” sualını verib. Bakıda gəldiyimi biləndən sonra isə “bravo” deyərək reaksiya verib.
De Byazi zarafatından qalmayıb. O, VİP-lojada yer alanda jurnalistlər fotosunu çəkib. Təcrübəli mütəxəssis həmin an telefonunu əlinə alaraq şəklini çəkən media nümayəndələrinin fotosunu telefonunun yaddaşına köçürüb.
HƏBİB / SPORTİNFO.AZ
