“Yerli futbolçu qıtlığı var, əlimizdə olanlar getdi”.
Bu sözləri Sportinfo.az-a açıqlamasında “Şamaxı”nın baş məşqçisi Rüstəm Əliyev deyib.
Tezliklə Cavid Hüseynovla əvəzlənməsi gözlənilən çalışdırıcı komandanın hazırkı vəziyyəti haqda bunları söyləyib:
“Məşqlərə nə vaxt başlayacağımız bilinmir. Açığı, həddindən artıq gecikirik. Danışıq apardıqlarımız da başqa klublarla anlaşdılar.
Legionerlərlə bağlı da eyni problem yaşandı. Məsələn, Felipe Santosla razılaşmaq ərəfəsində belə vəziyyət yarandı və o da "Qəbələ"yə keçdi.
Yeni rəhbərliyi gözləyirik. Bəlkə bu həftə bir xəbər çıxar".