«Kəpəz»in Premyer Liqanın son 3 turunda məğlubiyyətləri sıralaması Azər Bağırovu sərt addım atmaq məcburiyyətində buraxıb.
Ötən ay «sarı-göylər»in sükanı arxasına qayıtmış mütəxəssis futbolçuları cərimələyib.
Baş məşqçi həmçinin nizam-intizam tədbirlərini sərtləşdirib. Bundan sonra istəksiz məşq edənlər və hazırlıq prosesinə gecikənlərin məvacibindən böyük miqdarda pul tutulacaq
Gəncə təmsilçisi çempionatın son 3 turunda «İmişli»yə 0:3, «Neftçi»yə 1:5 və «Sabah»a 1:3 hesabıyla yenilib.
Liqanın ilk 11 turunda cəmi 1 qələbə qazanmış «Kəpəz» hazırda 3 xalla turnir cədvəlinin 12-ci - sonuncu pilləsində məskunlaşıb.
SPORTİNFO.AZ
