"Kəpəz"in sabiq kapitanı, hazırda Qazaxıstanda "Tobolun formasını geyinən Yeqor Xvalko əvvəlki və hazırkı komandalarındakı atmosferi müqayisə edib.
Sportinfo.az xəbər verir ki, “football.by” portalına danışan belaruslu müdafiəçi Azərbaycandakı karyerasını xatırlayıb:
"Yeni klubumdakı atmosfer məni tam qane edir. “Tobol”u bəyənirəm.
Daim Premyer Liqada qalmaq üçün mübarizə apardığımız “Kəpəz”dən sonra fərqli məqsədləri olan klubda oynamaq xoşdur.
Kollektivimiz əladır, “Tobol”a tez bir zamanda uyğunlaşa bildim".
28 yaşlı futbolçu 2022-2025-ci illərdə “Kəpəz”in formasını geyinib. Onun “Tobol”la müqavilə müddəti 2025-ci il dekabrın 31-də başa çatacaq.
