“O, mənə Premyer Liqa barədə çox danışırdı”.
Bu sözləri Sportinfo.az-a açıqlamasında “Kəpəz”in qapıçısı Kasper Rosa deyib.
O, ötən mövsüm “Motor”da “Neftçi”dən tanıdığımız İvan Brkiçlə çiyin-çiyinə çıxış edib, əsas heyətdə yer almaq uğrunda mübarizə aparıb.
Polyak kiper “Kəpəz”dən təklif alanda, xorvatiyalı həmkarıyla söhbət edib:
“Ötən il komandamıza İvan Brkiç gəlmişdi. Bilirdim ki, Azərbaycanda - “Neftçi”də oynayıb. İvan mənə Azərbaycanın gözəlliyindən bəhs edirdi, müsbət və mənfi məqamlar barədə məlumatlandırırdı.
“Kəpəz”dən təklif aldığını biləndə, “get, peşman olmayacaqsan” dedi. Bu mövzuda əsasən İvanla danışırdım”.
