"Aylardır maaş almırıq, dükan-bazardan nisyə alver edirik, bizə sifət turşudurlar"

22 Noyabr 2023 12:40 Kəpəz 713
"Aylardır maaş almırıq, dükan-bazardan nisyə alver edirik, bizə sifət turşudurlar"

Premyer Liqada işləri qaydasında getməyən «Kəpəz»də növbəti problem baş qaldırıb.

Bu barədə redaksiyamıza klubun akademiyasında çalışanlar məlumat verib.

Saytımıza müraciət edən bir qrup işçi rəhbərlikdən şikayətlənib, 3 aydan artıqdır əməkhaqlarını ala bilmədiklərini söyləyiblər.

Onların sözlərinə görə, AFFA dövlətin ayırdığı pulu aybaay «Kəpəz»in büdcəsinə köçürsə də, idarəçilər məvaciblər akademiyaya çatacaq vəsaiti vermir:

«Hər gün bizi aldadırlar. Dəfələrlə bununla bağlı müraciət etmişik, «gözləyin» cavabı verirlər.

Axı nəvaxtadək? Biz də oğul-uşaq sahibiyik, ailə saxlayırıq.

Sonuncu dəfə sentyabrda maaş almışıq. Onda da gətib avqustun pulunu verdilər, vəsaalam!

O tarixdən bəri qapı döyürük. Gedib dükan-bazardan nisyə alver edirik.

Daha orada da bizə sifət turşudurlar. Neyləsinlər, klub rəhbərliyinə ümid olub onlardan ərzaq alırıq, sonra da pulu vaxtında qaytara bilmirik.

AFFA-dan xahiş edirik ki, «Kəpəz»də araşdırma aparsınlar. Bizdə məlumat var ki, rəhbərlik kluba ayrılan pulun çoxunu əsas komandaya xərcləyir.

Qoy gəlib yoxlasınlar. AFFA-dan tərpəniş görməsək, məcburuq Bakıya gələk, mətbuat konfransı keçirək.

Guya nə maaş alırıq ki..? Burada heç kimlə 3 aydan artıq müqavilə bağlamırlar.

Kim səsini çıxarır, deyirlər ki, dinmə, yoxsa işdən atacağıq bayıra. Amma belə də olmaz. Bunların insafını Allah kəsib!».

SPORTİNFO.AZ

Digər Xəbərlər
Xəbər Lenti
29 Fevral 18:10 Çək və bizə göndər!
29 Fevral 11:00 Yaxşı, siz deyən olsun!
29 Fevral 07:30 Cəlal kubokla vidalaşdı