.jpg)
UEFA “Mançester Siti”ni 2 il müddətinə avrokuboklardan uzaqlaşdırdıqdan sonra “şəhərlilər”lə bağlı şayiələr səngimək bilmir.
Sportinfo.az xəbər verir ki, “Siti”ni baş məşqçi Xosep Qvardiolanın tərk edəcəyi deyilir.
Onun İtaliyaya üz tutacağı bildirilir. “Yuventus”un sabiq futbolçusu Alessandro Del Pyero Pepin İtaliyaya gəlməsini istəyir:
“İtaliyada söz-söhbət gəzir ki, “Siti”ni xeyli futbolçu tərk edəcək. Hamı fikirləşir ki, “Yuventus” onlardan bir-neçəsini əldə edə bilər.
Ötən yay Qvardiolanın “Yuventus”a gələ biləcəyi ilə bağlı məlumat yayılmışdı. Bu məsələ yenidə n gündəmə gəlib.
Dünyanın istənilən klubu Qvardiolanı istəyər. Mən də onu İtaliyada izləmək istəyirəm. İspaniyada, Almaniyada, İngiltərədə çempion ola bilib. Bəlkə də İtaliyaya gəlmək, “Yuventus”a başçılıq etmək onun taleyidir”.
