Antonio Kassano Kriştiano Ronaldonun mesajlarından danışıb.
Sportinfo.az “Il Messaggio”-ya istinadən xəbər verir ki, italiyalı keçmiş futbolçu, Ronaldodan ona hörmətsizlik etdiyini bildirən səsli mesajlar aldığını söyləyib:
“Mən Kriştiano Ronaldonun ilk 10 futbolçum arasında olmadığını dedikdən sonra +34 ilə başlayan nömrədən mesaj aldım.
Qazandığı bütün kubokları sadalayan Ronaldo idi. O, ona hörmətsizlik etdiyimi bildirən səsli mesaj da əlavə etmişdi”.
Kassanonun sadəcə zarafat etməsi ehtimalını istisna etməməliyik. Amma o, indi “Əl-Nəsr”də çıxış edən Kriştiano Ronaldonun səviyyəsini dəfələrlə aşağılayıb.
