“Yuventus”un futbolçusu Kriştiano Ronaldo Madridə gəlib.
Sportinfo.az xəbər verir ki, Ronaldo “el klasiko”nu “Santyaqo Bernabeu”dan izləyib. O, qarşılaşmadan əvvəl azarkeşlərə avtoqraf da paylayıb.
O, oyun fasiləsində “Real”ın paltardəyişmə otağına gedib. Bu barədə “klar klubu”nun futbolçusu Vinisius məlumat verib:
“Kriştiano komandanı dəstəkləmək və bizə mənəvi güc vermək üçün oyunun fasiləsində paltardəyişmə otağına gəldi. Elə ona görə də vurduğum qolu Ronaldo kimi qeyd etdim”.
“Real” “Barselona”ya 2:0 hesabı ilə qalib gəlib. 34 yaşlı futbolçu 2009-2018-ci illərdə Madrid klubunda çıxış edib.
