Dostlarını inandırmaq üçün maşınını əzən Zidanla "selfi" - FOTO

14 Fevral 11:34 İspaniya 511
Dostlarını inandırmaq üçün maşınını əzən Zidanla "selfi" - FOTO

"Real"ın baş məşqçisi Zinəddin Zidan maraqlı hadisə ilə üzləşib.

Sportinfo.az xəbər verir ki, fransalı mütəxəssis komandanın təlim-məşq bazasının yerləşdiyi Valdebebas şəhərində yüngül qəzaya düşüb.

46 yaşlı məşqçi şəxsi avtomobilini İqnasio Fernandes adlı yerli sakinin idarə etdiyi maşına vurub. Hadisə nəticəsində xəsarət alan olmayıb.

Fernandes maşınını vuran şəxsin Zidan olduğunu görəndə təəccüblənib və dərhal onunla "selfi" çəkdirməsini xahiş edib. Zidan isə, öz növbəsində, onun xahişini yerə salmayıb.

Hadisə ilə bağlı danışan İ.Fernandes dostlarını inandırmaq üçün Zidanla şəkil çəkdirdiyini bildirib: "Şəkil çəkdirməsəydim, dostlarım maşınımı vuran adamın Zidan olduğuna inanmayacaqdı. O, papağını çıxardı və mənimlə şəkil çəkdirdi".

Xəbər Lenti