"Barselona" yeni transferini açıqlayıb.
Sportinfo.az xəbər verir ki, katalonlar "Palmeyras"ın yarımmüdafiəçisi Mateus Fernandesi transfer edib.
21 yaşlı futbolçu ilə 5 illik müqavilə imzalanıb. "Barselona" bu keçid üçün 7 milyon avro təzminat ödəyib. Daha 3 milyon avro isə bonuslar şəklində Braziliya klubuna veriləcək.
İspaniya nəhəngi braziliyalı futbolçuya 300 milyon avroluq sərbəst qalma qiyməti qoyub. Fernandes yayda "Barselona"ya qoşulacaq.
"Palmeyras" Mateusu ötən il "Botafoqo"dan 4 milyon avroya transfer etmişdi.
