“Barselona”nın “Mançester Siti”nin müdafiəçisi Natan Ake ilə maraqlandığı bildirilir.
Sportinfo.az xarici KİV-ə istinadən xəbər verir ki, Kataloniya təmsilçisi 31 yaşlı futbolçunu müdafiə xətti üçün “büdcəyə uyğun” variant hesab edir.
Bununla belə, Ake “Barselona”nın əsas transfer hədəflərindən biri sayılmır.
“Barsa” rəhbərliyi xüsusilə, Akenin təcrübəsini yüksək qiymətləndirir. O, yalnız mərkəzdə deyil, sol cinahda da çıxış edə bilir.
Niderlandlı futbolçunun “Mançester Siti” ilə müqaviləsinin müddəti 2027-ci ilin yayına qədərdir. Bu səbəbdən, “şəhərlilər”in onu qarşıdakı transfer pəncərəsində münasib qiymətə sata biləcəyi deyilir.
