PSJ-nin hücumçusu Qonçalo Ramuş yay transfer pəncərəsində komandanı tərk edə bilər.
Sportinfo.az xəbər verir ki, bu barədə “Teamtalk” məlumat yayıb.
24 yaşlı forvardın xidmətində “Barselona” maraqlıdır.
Portuqaliyalı futbolçu Paris təmsilçisində qeyri-sabit oyun praktikasından narazıdır və bu səbəbdən, ayrılıq variantını nəzərdən keçirir.
Onun PSJ ilə müqaviləsinin müddəti 2028-ci ilin iyununa qədərdir və bazar dəyəri 35 milyon avrodur.
Futbolçu cari mövsümdə PSJ forması ilə 41 oyunda meydana çıxaraq, 12 qol vurub və 2 məhsuldar ötürmə verib.
