“Real”ın futbolçusu Arda Güler sıradan çıxıb.
Sportinfo.az xəbər verir ki, türkiyəli hücumameyilli yarımmüdafiəçi zədələnib.
Bu barədə insayder Fabritsio Romano məlumat yayıb.
Arda ayaq əzələsindən zədə alıb. 21 yaşlı hücumameyilli yarımmüdafiəçi mövsümün qalan hissəsində Madrid təmsilçisinə kömək edə bilməyəcək.
Türkiyə millisinin üzvü iyunda start götürəcək dünya çempionatına qədər hazır olacaq.
Arda Güler bu mövsüm “Real”ın heyətində meydana çıxdığı 50 rəsmi matçda 6 qol və 14 məhsuldar ötürmə ilə yadda qalıb.
