“Barselona”nın yarımmüdafiəçisi Dani Olmo karyerasını Səudiyyə Ərəbistanında davam etdirə bilər.
Sportinfo.az xəbər verir ki, bu barədə “Marca” nəşri məlumat yayıb.
İspaniyalı futbolçunu “Əl-Qadisiya” heyətinə qatmaq istəyir. Səudiyyə Ərəbistanı təmsilçisinin skautları son vaxtlar Olmonun oyunlarını yaxından izləyib.
27 yaşlı oyunçunun “Barselona” ilə müqaviləsinin müddəti 2030-cu ilin yayına qədərdir. O, cari mövsümdə La Liqada 24 oyuna çıxaraq 7 qol vurub və 6 məhsuldar ötürmə verib.
