“Barselona”nın sabiq futbolçusu Pako Alkaser karyerasını rəsmi açıqlama vermədən başa vurub.
32 yaşlı hücumçu futbolu sakit şəkildə tərk etməyi üstün tutub.
Alkaser son olaraq Birləşmiş Ərəb Əmirliklərində “Sarah” klubunun formasını geyinirdi.
Ancaq son dövrlərdə Yaxın Şərqdə futbol oynamağın təhlükəli olduğu (regionda baş verən gərginliklə bağlı) qeyd olunur və bu amilin də onun qərarına təsir etdiyi bildirilir.
Sportinfo.az xarici KİV-ə istinadən xəbər verir ki, ispaniyalı forvardın karyerasını davam etdirməsi üçün müəyyən təkliflər olsa da, o, bu variantları nəzərdən keçirməyib və futbolçu karyerasına nöqtə qoyub.
Onun qərarı barədə ictimaiyyətə klubun mətbuat xidməti məlumat verib.
Alkaser vaxtilə “Barselona”nın heyətində ümumilikdə 50 oyuna çıxıb və bu matçlarda 15 qol vurub.
