“Barselona”nın hücumçusu Robert Levandovski Kataloniya klubunda qarşıdan gələn prezident seçkilərində ən çox sevdiyi namizədin adını açıqlayıb.
Sportinfo.az “The Athletic”-ə istinadən xəbər verir ki, polşalı futbolçu, qarşıdan gələn prezident seçkilərində Xuan Laportaya (“Barselona”nın sabiq prezidenti) uğurlar arzuladığını bildirib:
“Barselona”da keçirdiyim illər ərzində klubun inkişafı üçün pərdəarxası işə nə qədər sədaqət və əmək sərf olunduğunun şahidi olmuşam.
Komandadakı hər kəs üçün böyük motivasiya yaradan güclü iddia və gələcəyə inam hissi var.
“Barselona” kimi bir klub üçün sabitlik və uzunmüddətli inam vacibdir. Davamlılığa və bu klubun dəyərlərini, kimliyini həqiqətən başa düşən insanlara inanıram.
Qarşıdan gələn prezident seçkilərində Xuan Laportaya uğurlar arzulayıram. Əminəm ki, o, “Barselona”nı daha böyük uğurlara aparmağa davam edəcək”.
Kataloniya klubunun yeni prezidenti üçün seçkilər martın 15-də keçiriləcək və qalib rəsmi olaraq iyulun 1-dən vəzifəsinin icrasına başlayacaq.
