“Barselona”nın idman direktoru Deku VAR sistemi haqqında danışıb.
Sportinfo.az xarici KİV-ə istinadən xəbər verir ki, o, bu sistemin çox vaxt meydandakı hakimlərə kömək etmədiyini və çaşqınlıq yaratdığını söyləyib:
“Hələ də VAR-ı başa düşmürəm. Həmişə deyirəm ki, biz futbol adamları üçün müəyyən qərarların niyə verildiyini anlamaq çətin olsa da, geniş ictimaiyyət üçün daha da çətindir.
Düşünürəm ki, təkmilləşdirilməli olan bir çox şey var: qərarları izah etmək məsələsində daha aydın və qətiyyətli olmalıyıq.
Niyə VAR-ın müdaxilə etdiyi, digərlərinin isə müdaxilə etmədiyi vaxtlar olduğunu başa düşmürəm.
Hakimlər də insandır, onlar VAR kimi işləyirlər və səhv edə bilərlər. Lakin VAR köməyə gəlib və düşünürəm ki, bir çox cəhətdən daha çox çaşqınlıq yaradır”.
