“Real”ın idman direktoru Santyaqo Solari komandanın baş məşqçisi postunda italiyalı mütəxəssis Karlo Ançelottini əvəz edə bilərmiş. Klub rəhbərliyi İspaniya çempionatında “Osasuna” ilə matçda uğursuz nəticə olacağı təqdirdə, baş məşqçi dəyişikliyi etməyi planlaşdırıbmış.
Sportinfo.az xəbər verir ki, bu barədə “Relevo” məlumat yayıb.
Bununla belə, “kral klubu” 4:0 hesablı qələbə qazanıb. Bundan sonra Ançelottinin istefası ilə bağlı söhbətlər səngiyib.
Solari artıq 2018-2019-cu illərdə komandaya rəhbərlik edib.
