"Barselona"nın futbolçusu Frenki de Yonq Çempionlar Liqasının üçüncü turunun "İnter"lə oyununa çıxa bilməyəcək.
Sportinfo.az xəbər verir ki, niderlandlı Milana yollanan heyətə daxil edilməyib.
Niderland millisinin düşərgəsində sıradan çıxmış yarımmüdafiəçinin zədəsi ciddi deyil.
Sadəcə olaraq, "Barselona"nın baş məşqçisi Xavi Ernandes onu riskə atmamaq üçün İtaliyaya aparmayıb.
De Yonqun "İnter"lə oyundan sonrakı görüşdə meydanda olacağı gözlənilir.
