.jpg)
"Real"ın almaniyalı futbolçusu Toni Kroos sabiq komanda yoldaşı, hazırda "Mançetser Yunayted"də oynayan Kriştiano Ronaldo haqqında danışıb.
Sportinfo.az xəbər verir ki, o, 37 yaşlı hücumçunun çalışqan olduğunu bildirib və forvardı tərifləyib:
“Mən sizə deyə bilərəm ki, o, zirvədə olmaq üçün çox çalışıb. Onun həftə sonları futbol oynadığını, sonra "Ferrari" sürərək evə getdiyini görürsünüz.
Amma görmürsünüz ki, o, bu səviyyədə qalmaq və daim inkişaf etmək üçün hər gün nə qədər səy sərf edir. Ona baxın.
Təkcə görünüşünə deyil, oyununa, formasına, hər gün nə qədər işlədiyinə, əm bazada, həm evdə qidalanmasına necə diqqət etdiyinə fikir verin.
Və o, bütün bunları 37 yaşında bacarır! Ronaldo adının Kriştiano Ronaldo olduğu üçün deyil, inanılmaz dərəcədə çalışdığı üçün belə yüksəklərə çatıb.
O, at kimi çalışır. Siz bunu görmürsünüz. Belə çalışqanlıq bu səviyyəyə çatmağın yeganə yoludur".
