"Sevilya" heyətini yeni futbolçu ilə gücləndirib.
Sportinfo.az xəbər verir ki, Əndəlus təmsilçisi "Nitsa"nın hücumçusu Kasper Dolberqi transfer edib.
Danimarkalı forvard 2022/2023 mövsümünü icarə əsasında "Sevilya"nın heyətində keçirəcək.
Kasper Dolberq 2019-cu ilin yayında "Ayaks"dan "Nitsa"ya transfer olunub.
24 yaşlı qolçu Fransa klubunun heyətində meydana çıxdığı 85 matçda 24 qol və 7 məhsuldar ötürmə ilə yadda qalıb.
