“Barselona”nın futbolçusu Jerar Pikenin menecer agentliyi artıq rəsmi fəaliyyətə başlayıb.
Sportinfo.az xəbər verir ki, artıq agentliyin ilk müştərisi də var.
Pikenin agentliyi ilə əməkdaşlıq edəcək ilk idmançı tennisçi Dominik Timdir.
Bu barədə idmançı özü sosial şəbəkədə məlumat verib: “Qürurla bildirirəm ki, “Kosmos” ailəsinin üzvü oldum”.
Timin agenti sabiq tennisçi Qalo Blanko olacaq. Blanko “4Slam Tennis” akademiyasının qurucularından biridir.
“Pike-Kosmos” kompaniyası yeni istiqamət üzrə fəaliyyət göstərəcək. Bu şirkət, əsasən Devis Kubokunun təşkili ilə məşğul olacaq.