"Atletiko"nun baş məşqçisi Dieqo Simeone İngiltərə Premyer Liqasını Avropanın ən güclü çempionatı hesab edir.
Sportinfo.az xəbər verir ki, bu barədə o, ESPN-ə açıqlamasında deyib:
“Premyer Liqa klublarının Avropanın ən yaxşıları olduğunu düşünürəm. İngiltərə çempionatı güclüdür. Hər şeydən əvvəl maliyyə investisiyaları ilə ayrılır, buna görə klublar güclüdür.
Digər çempionatlarda aparıcı klublar o qədər çox deyil: PSJ, "Bavariya", "Barselona", "Real". İngiltərədə "Liverpul", "Mançester Yunayted", "Mançester Siti", "Çelsi" qazana bilər. Orada bərabərsəviyyəli komandalar var.
Yarımfinal və Çempionlar Liqası finalının heyətini gördükdə bunun İngilis futbolu üçün əla bir an olduğunu anladıq".
