“Real”ın baş məşqçisi Zinəddin Zidan açıqlama verib.
Sportinfo.az xəbər verir ki, AS nəşrinə danışan fransalı mütəxəssis, La Liqada çempion olan “Atletiko” klubunu təbrik edib:
“Atletiko”nu təbrik etməliyik. Çempion olublarsa, deməli, buna layiqdirlər.
Komandada əsas olan mən deyiləm, futbolçulardır. Futbolçuların taleyi müəyyənləşəndən sonra klub rəhbərliyi ilə gələcəyimlə bağlı danışacam.
Rafael Varan və Serxio Ramos son oyunlarına çıxdılar? Ümid edirəm ki, yox. Hər ikisinin də komandada qalacağını düşünürəm”.
“Real” La Liqanın sonuncu turunda Vilyarreal”ı 2:1 hesabıyla məğlub edərək, mövsümü ikinci sırada bitirib.
