"Barselona"nın hücumçusu Lionel Messi forma kolleksiyasında kimin formasını görmək istədiyi barədə danışıb.
Sportinfo.az xəbər verir ki, o, bu barədə "Ole“yə müsahibəsində deyib:
"Ronaldo və Roberto Karlosdan forma istəmədiyimə görə təəssüflənirəm, çünki onlara qarşı oynadım. İndi kolleksiyamda onların köynəklərinin olmasını istərdim".
Argentinalı hücumçu karyerasının əvvəlində onlardan forma istəməyə utandığını söyləyib:
“Yaşım artdıqca forma toplamaq, xatirələr haqqında daha çox düşünməyə başladım. Əvvəllər buna əhəmiyyət vermədim. Qardaşım Mathias bir çox formanı saxladı".
