"Real"ın futbolçusu Marselo 2700 avro məbləğində cərimələnib.
Sportinfo.az xəbər verir ki, buna braziliyalı müdafiəçinin karantin qaydalarını pozması səbəb olub.
33 yaşlı futbolçu instaqram səhifəsində Valensiya çimərliyində ailəsi ilə birlikdə istirahətdə olduğu fotonu paylaşıb. O, həyat yoldaşı və iki oğlu ilə birlikdə tibbi maskadan istifadə etməyib.
İspaniyada koronavirus pandemiyası ilə əlaqədar hərəkət məhdudlaşdırılıb. İctimai yerlərdə maska taxmaq hər kəs üçün məcburidir.
