"Barselona"nın futbolçusu Lionel Messi üçün La Liqanın 28-ci turunun "Real Sosyedad"la oyunu (6:1) başqa bir nailiyyətlə də əlamətdar olub.
Sportinfo.az xəbər verir ki, bu barədə Kataloniya klubunun saytında məlumat yayılıb. Argentinalı hücumçunun sözügedən görüşdə ikinci qolu karyerasında 700-cü qol (rəsmi matçlarda 663, qeyri-rəsmi matçlarda 37 qol) olub. Eyni zamanda, 33 yaşlı hücumçu İspaniya çempionatında 467-ci qolunu vurub. Bununla da o, əfsanəvi braziliyalı futbolçu Pelenin bir çempionatda qol sayı rekordunu təkrarlayıb.
Beləliklə, hər iki oyunçu dünya liqalarının bombardirlər siyahısına başçılıq edir.
