Mövsümün ən böyükhesablı qələbəsi "Şahdağ Qusar" - "Dinamo" matçında qeydə alınıb.
Qarşılaşma şimal bölgəsi təmsilçisinin 9:0 hesablı qalibiyyəti ilə başa çatıb.
Tural Qurbətov darmadağının əsasını 3-cü dəqiqədə qoyub. «Bakı»nın yetirməsi olan hücumçu daha sonra iki qol vurub.
Ruslan Ağalarov isə dubla imza atıb. Millinin sabiq yarımmüdafiəçisi Rahid Əmirquliyev da fərqlənməyə fürsət tapıb.
Bəhram Şahquliyevin çalışdırdığı komandanın hesabı ikirəqəmli həddə çatdırmaq imkan(lar)ı olub. Amma ya vəlvələdən, ya zəlzələdən bu şansları dəyərləndirməyiblər.
Müdafiədə hər cür səhvə yol verən «Dinamo»nu ən yaxşı İslam Məmmədov başa düşüb. Referi ikinci hissəyə 1 dəqiqə də əlavə etmədən matçı bitirib.
Amma bu fit Novruz Əzimovu ipdən almayıb. «Polislər» qarşılaşmanın ardından baş məşqçisi ilə yolları ayırıb.
Xallarını 20-yə yüksəldən "Şahdağ Qusar" turnir cədvəlinin 3-cü pilləsində qərarlaşıb. 12 xalı olan "Dinamo" isə 9-cu yerdədir.
SPORTİNFO.AZ
Şamaxı OİK stadionu. 30 tamaşaçı Baş hakim: İslam Məmmədov Baş hakimin köməkçiləri: Rəhman Aslanov, Mirnihad Seyidov Dördüncü hakim: Rövşən Rəcəbov Hakim-inspektor: Ramil Diniyev AFFA nümayəndəsi: Elçin Məmmədov Sarı vərəqə: Valeh Seyidov, 27 (qeyri-idman hərəkəti) Qollar: Tural Qurbatov, 3, 57, 77 86; Salman Atluxanov, 4; Ruslan Ağalarov, 30, 60; Kamran Qürbətov, 38; Rahid Əmirquliyev, 63 Artırılan vaxt: I hissədə - yoxdur; II hissədə - yoxdur.
.jpg)
